Turismoa eta ikasketak
Biztanleriaren zahartzeak eragina du turismoaren sektorean eta aisialdiaz gozatzeko moduan. Beraz, joera-aldaketa horretara egokitzen jakin behar dute alor horretako zerbitzuen eta produktuen esparruko eragileek. Eragile eta enpresa horientzat, Silver biztanleriaren ezaugarri hauek oso kontuan hartzekoak dira:
Ongizatea eta osasuna
Produktu eta zerbitzu berriak eta lehendik daudenak (botiketatik hasi eta teknologietaraino) lagungarri izan daitezke zahartze aktibo eta osasungarri baterako. Osasunaren, kirolaren, ongizatearen, entretenimenduaren eta zainketen sektoreek erronka handi bat dute: adineko pertsonen beharrei erantzun egoki bat emateko kalitate handiko zerbitzu eta produktuak garatzea.
Prestakuntza eta ikaskuntza
Aldaketa demografikoa eta biztanleriaren zahartzea begi-bistakoa izanik eta, horrekin batera, eguneroko bizitzan teknologiek eta Internetek gero eta presentzia handiagoa izanik, beharrezkoa da horien erabilerak adineko pertsonen kolektiboarentzat dituen abantailak baloratzea.
Produktu berritzaileak
EskAintzen ditugun zerbitzuak
Negozio berrien identifikazioa eta aholkularitza
Prospekzioa eginez, eskualdean dauden zerbitzu eta produktuak ezagutzeaz gain, mundu mailan silver ekonomiaren inguruan dauden zerbitzuen ideiak aztertzen dira. Gainera, negozio ideia berrien bideragarritasun planak egiteko aholkularitza zerbitzua eskaintzen dugu.
Enpresen arteko elkarlan sareak osatzeko bidelagunak
Enpresa eta erakundeak elkarlanean sarean aritzeko testuingurua errazten dugu, lankidetzan sor daitezkeen zerbitzu berriak aurrera eraman ahal izateko.
Diru-laguntzen inguruko informazioa eta eskaerak egiteko laguntza
Silver ekonomiaren inguruko diru-laguntza deialdien informazioa eskaintzen dugu eta eskaerak egiteko laguntza ematen dugu.
